২২ এপ্ৰিল, ২০২৪ :এখন চৰকাৰী বিদ্যালয়ৰ সন্মুখত উত্তাল প্ৰতিবাদ অভিভাৱকৰ। লখিমপুৰৰ তিনিঠেংগীয়া উচ্চ মাধ্যমিক বিদ্যালয়ত সংঘটিত হৈছে এই ঘটনা। ৪৩ গৰাকী ছাত্ৰ-ছাত্ৰী অৱতীৰ্ণ হৈছিল এইবাৰ মেট্ৰিক পৰীক্ষাত । ৪৩গৰাকী শিক্ষাৰ্থীৰ ভিতৰত মেট্ৰিক পৰীক্ষাত পাছ কৰিলে মাথোঁ ৩জনে ।
বিদ্যালয়খনৰ এনে ফলাফল দেখি খৰ্গহস্ত হৈ পৰিছে ছাত্ৰ-ছাত্ৰীৰ অভিভাৱকসকল। সংখ্যালঘু ছাত্ৰ-ছাত্ৰীৰ ভৱিষ্যত শেষ কৰি পেলোৱাৰ অভিযোগ অভিভাৱক-ৰাইজৰ। গুণোত্সৱতো আনকি বিদ্যালয়খনে পাইছিল ডি-গ্ৰেড। অভিভাৱকৰ অভিযোগ, শিক্ষকে গুৰুত্ৱ নিদিয়ে পাঠদানত, সেইকাৰণে ফেইল কৰে ল’ৰা-ছোৱালীয়ে
বিদ্যালয়খনৰ শিক্ষকৰ বদলিৰো দাবী তুলিছে। ৰাইজ-অভিভাৱকৰ মতে প্ৰধান শিক্ষক ব্যৰ্থ হৈছে বিদ্যালয় পৰিচালনা কৰাতো। প্ৰধান শিক্ষকৰ কোনো কথাই নুশুনে আন শিক্ষক-শিক্ষয়ত্ৰীসকলে বুলি অভিযোগ ৰাইজৰ।