১৮ জানুৱাৰী ২০২৫- চুলিৰ বাবে বৰদান হ'ব পাৰে তিলৰ তেল! 

বৰ্তমান সময়ত চুলি সৰাটো এক সাধাৰণ সমস্যাত পৰিণত হৈছে। শিশুৰ পৰা বৃদ্ধলৈকে আমি বেছিভাগেই এই সমস্যাত জৰ্জৰিত। মানসিক চাপ, বেয়া জীৱনশৈলী, প্ৰদূষণ আৰু বেয়া খাদ্যাভ্যাসৰ দৰে বহু কাৰকে আমাৰ চুলিৰ ওপৰত প্ৰভাৱ পেলায়। এনে পৰিস্থিতিত চুলিৰ যত্নৰ বাবে প্ৰাকৃতিক উপায়ৰ আশ্ৰয় লোৱাটো এটা ভাল বিকল্প হ’ব পাৰে। আয়ুৰ্বেদত “সম্পূৰ্ণ ঔষধ” বুলি অভিহিত কৰা তিলৰ তেল চুলি সৰি পৰা ৰোধ আৰু চুলি মজবুত কৰাত অত্যন্ত উপকাৰী বুলি গণ্য কৰা হয়।
তিলৰ তেল কেৱল প্ৰাচীন চিকিৎসা বিজ্ঞানৰ এটা অংশই নহয়, আজিকালি চুলি আৰু ছালৰ যত্নৰ বাবেও ব্যৱহাৰ কৰা হয়। ইয়াত থকা এন্টিঅক্সিডেন্ট, ভিটামিন, খনিজ পদাৰ্থই চুলিৰ শিপাক পুষ্টি প্ৰদান কৰে আৰু চুলি সৰি যোৱাৰ পৰা ৰক্ষা কৰে। যদি আপুনি চুলি সৰা সমস্যাৰ সৈতে যুঁজি আছে, তেন্তে তিলৰ তেল এটা ফলপ্ৰসূ আৰু নিৰাপদ সমাধান হ’ব পাৰে। তিলৰ তেলৰ উপকাৰিতাসমূহ হ'ল-
চুলি সৰা ৰোধ কৰাত তিল তেলে কেনেদৰে সহায় কৰে?
চুলিৰ শিপাক পুষ্টি প্ৰদান কৰে: তিলৰ তেলে চুলিৰ শিপাৰ গভীৰতালৈ সোমাই গৈ পুষ্টি প্ৰদান কৰে। ই শিপাবোৰ মজবুত কৰি চুলি সৰি যোৱাৰ পৰা ৰক্ষা কৰে।
ৰক্ত সঞ্চালন উন্নত কৰে: তিল তেলৰ দ্বাৰা নিয়মিত মালিচ কৰিলে মূৰৰ ছালত তেজৰ সোঁত উন্নত হয়, যিয়ে চুলিৰ বৃদ্ধিত সহায় কৰে।
উফি কমায়: উফি চুলি সৰাৰ মূল কাৰণ হ’ব পাৰে। তিলৰ তেল প্ৰচুৰ পৰিমাণে থকা এন্টি-বেক্টেৰিয়েল আৰু এন্টি-ফাংগেল গুণৰ দ্বাৰা উফি নিয়ন্ত্ৰণ হয়।
মূৰৰ ছাল মইশ্ব’ৰাইজ কৰে: তিলৰ তেলে মূৰৰ ছাল হাইড্ৰেট কৰি তাৰ আৰ্দ্ৰতা বজাই ৰাখে, যাৰ ফলত মূৰৰ ছালৰ শুকানতা আৰু খজুৱতি কমি যায়।
চুলিৰ অকালতে বগা হোৱা ৰোধ কৰে: তিলৰ তেলে চুলিৰ প্ৰাকৃতিক ক’লা জিলিকনি বজাই ৰখাত সহায় কৰে আৰু অকালতে বগা হোৱাৰ পৰা ৰক্ষা কৰে।