১ ডিচেম্বৰ,২০২৩ঃ পুনৰ বৃদ্ধি পালে ৰন্ধন গেছৰ মূল্য। চলিত বৰ্ষৰ শেষৰটো মাহত বৃদ্ধি কৰা হ’ল প্ৰতিটো চিলিণ্ডাৰৰ মূল্য। প্ৰতিটো চিলিণ্ডাৰত বৃদ্ধি পালে ২১ টকাকৈ। ১৯ কিলোগ্ৰামৰ বাণিজ্যিক LPG চিলিণ্ডাৰত বৃদ্ধি কৰা হ’ল এই মূল্য। ঘৰুৱা ৰন্ধন গেছৰ চিলিণ্ডাৰৰ দামৰ কোনো সালসলনি কৰা হোৱা নাই। ৰাজহুৱা খণ্ডৰ তেল কোম্পানীসমূহে বৃদ্ধি কৰিলে চিলিণ্ডাৰৰ দাম।

দিল্লী, মুম্বাই, চেন্নাই, কলিকতাতো দাম বৃদ্ধি পালে প্ৰতিটো চিলিণ্ডাৰত।  দিল্লীত প্ৰতিটো বাণিজ্যিক চিলিণ্ডাৰৰ মূল্য ১৭৯৬ টকালৈ বৃদ্ধি। পূৰ্বে ইয়াৰ দাম আছিল ১৭৪৯ টকা। চেন্নাইত প্ৰতিটো বাণিজ্যিক চিলিণ্ডাৰৰ দাম হ’লগৈ ১৯৬৮.৬ টকা আৰু কলকাতাত ইয়াৰ দাম হৈছে ১৯০৮ টকা।

গুৱাহাটীত প্ৰতিটো বাণিজ্যিক চিলিণ্ডাৰৰ দাম হৈছেগৈ ২০০০.৫০ টকা। উল্লেখ্য যে ১৬ নৱেম্বৰত ৫৭ টকা হ্ৰাস কৰা হৈছিল চিলিণ্ডাৰৰ মূল্য। বিপৰীতে এমাহৰ ভিতৰতে পুনৰ বৃদ্ধি কৰা হ’ল প্ৰতিটো চিলিণ্ডাৰত ২১ টকাকৈ। ঘৰুৱা LPG চিলিণ্ডাৰত পৰিৱৰ্তন হোৱা নাই কোনো মূল্য।