৩১ ডিচেম্বৰ,২০২৪-  কেনেকৈ নিয়ন্ত্ৰণ কৰিব প্ৰি-ডায়েবেটিছ?
ডায়েবেটিছ এতিয়া দেশত এক সাধাৰণ স্বাস্থ্যজনিত সমস্যাত পৰিণত হৈছে। বিশেষকৈ টাইপ-২ ডায়েবেটিছত আক্ৰান্ত ৰোগী দ্ৰুতগতিত বৃদ্ধি পাইছে। জীৱনশৈলীৰ পৰিৱৰ্তন, খাদ্যাভ্যাসৰ বেয়া অভ্যাস আৰু শাৰীৰিক ক্ৰিয়া-কলাপৰ অভাৱ টাইপ-২ ডায়েবেটিছৰ মূল কাৰণ। ডায়েবেটিছ হোৱাৰ আগতে এজন ব্যক্তি প্ৰি-ডায়েবেটিছ ষ্টেজলৈ যায়। এই সময়ছোৱাত যদি কিছুমান কথা মনত ৰখা হয়, তেন্তে প্ৰি-ডায়েবেটিছ ৰোগ প্ৰতিৰোধ কৰিব পৰা যায়।
তেজত চেনিৰ মাত্ৰা স্বাভাৱিকতকৈ বেছি হ’লেও প্ৰি-ডায়েবেটিছ হয়।  প্ৰি-ডায়েবেটিছ নিয়ন্ত্ৰণ কৰিবলৈ প্ৰতিদিনে ১০ হাজাৰ খোজ খোজ কঢ়াৰ লগতে ১৫ মিনিট যোগাসন কৰক। খাদ্যত প্ৰটিন বৃদ্ধি কৰি কাৰ্ব হ্ৰাস কৰক। মিঠা খাদ্য কমাই প্ৰতিদিনে ২ৰ পৰা ৩ লিটাৰ পানী খাবলৈ আৰম্ভ কৰিলে মধুমেহ ৰোগৰ পৰা হাত সাৰিব পাৰি। 
চেনি আৰু তেলৰ পৰা তৈয়াৰী খাদ্য প্ৰচুৰ পৰিমাণে খালে শৰীৰত ইনচুলিন প্ৰতিৰোধ ক্ষমতা বৃদ্ধি পায়, যাৰ ফলত টাইপ ২ ডায়েবেটিছৰ সম্ভাৱনাও বৃদ্ধি পায়। মানসিক চাপেও ডায়েবেটিছৰ সমস্যা বৃদ্ধি কৰিছে। যুৱক-যুৱতীসকলৰ মাজত প্ৰায়ে দেখা যায় যে তেওঁলোকে নিজৰ কাম আৰু পঢ়া-শুনাৰ ক্ষেত্ৰত মানসিক চাপত থাকে, যাৰ বাবে তেওঁলোকৰ মানসিক ভাৰসাম্যৰ অৱনতি ঘটে। যদি পৰিয়ালৰ কোনোবাই টাইপ ২ ডায়েবেটিছ ৰোগত আক্ৰান্ত হয়, তেন্তে পৰৱৰ্তী প্ৰজন্মেও এই ৰোগৰ সন্মুখীন হ’বলগীয়া হোৱাৰ সম্ভাৱনা বাঢ়ি যায়।
এণ্ডক্ৰাইন’লজিষ্ট ডাঃ ৰাহুল চাউদাৰ মতে টাইপ ২ ডায়েবেটিছৰ মূল কাৰণ হৈছে দুৰ্বল জীৱনশৈলী আৰু খাদ্যাভ্যাস। জাংক ফুড আৰু চেনি সমৃদ্ধ খাদ্যই শৰীৰত ইনচুলিন প্ৰতিৰোধ ক্ষমতা বৃদ্ধি কৰে, যাৰ ফলত ডায়েবেটিছ হ’ব পাৰে। ডায়েবেটিছ হোৱাৰ আগতে শৰীৰটো প্ৰি-ডায়েবেটিছ ষ্টেজত থাকে। এই সময়ছোৱাত কিছু কথা মনত ৰাখিলে ডায়েবেটিছ ৰোগ প্ৰতিৰোধ কৰিব পৰা যায়।ডায়েবেটিছ কেনেকৈ প্ৰতিৰোধ কৰিবলৈ শাক-পাচলি আৰু ফল-মূল বেছিকৈ খাওক, অতিৰিক্ত চেনি আৰু তেল পৰিহাৰ কৰক।প্ৰতিদিনে ৩০ মিনিট শাৰীৰিক ক্ৰিয়া-কলাপ কৰি শৰীৰটো সুস্থ কৰি ৰাখক। তাৰোপৰি যোগ, ধ্যান আৰু খোজ কঢ়াৰ দৰে কামৰ দ্বাৰা মানসিক শান্তি বিচাৰি উলিয়াওক আৰু আপোনাৰ ওজন নিয়ন্ত্ৰণত ৰাখক, কাৰণ অতিৰিক্ত ওজনে ডায়েবেটিছৰ সম্ভাৱনা বৃদ্ধি কৰে।