১৬ ফেব্ৰুৱাৰী ২০২৫- পাকিস্তানত হাহাকাৰ! আমেৰিকাই ভাৰতক দিব যুঁজাৰু বিমান
দ্বিতীয়বাৰৰ বাবে আমেৰিকাৰ ৰাষ্ট্ৰপতি হিচাপে ড’নাল্ড ট্ৰাম্পে শপত গ্ৰহণ কৰাৰ পিছতেই হোৱাইট হাউছত সাক্ষাৎ কৰিছিল ভাৰতৰ প্ৰধানমন্ত্ৰী নৰেন্দ্ৰ মোডীয়ে। মোডী-ট্ৰাম্পৰ বৈঠকৰ পিছতেই ট্ৰাম্পৰ ঘোষণা-আমেৰিকাই ভাৰতক প্ৰদান কৰিব পঞ্চম প্ৰজন্মৰ এফ-৩৫ যুঁজাৰু বিমান। এই খবৰটোক লৈ এতিয়া সমগ্ৰ বিশ্বতে হুলস্থুলৰ সৃষ্টি হৈছে।
সামৰিক বিশেষজ্ঞসকলৰ মতে, এই যুদ্ধ বিমানখন ভৱিষ্যতে ভাৰতৰ বাবে গেম চেঞ্জাৰ হ’ব পাৰে। আমেৰিকাৰ এফ-৩৫ যুদ্ধ বিমানখনেই হৈছে আটাইতকৈ বেছি ব্যৱহৃত পঞ্চম প্ৰজন্মৰ যুঁজাৰু বিমান, য’ত উন্নত চুৰিকাঘাত প্ৰযুক্তি অন্তৰ্ভুক্ত কৰা হৈছে। লকহিড মাৰ্টিনৰ দ্বাৰা নিৰ্মিত লঘু আৰু মধ্যম দূৰত্বৰ ক্ষেপণাস্ত্ৰৰে সজ্জিত এই যুদ্ধ বিমানখনৰ এনে ক্ষমতা আছে যে শত্ৰুৰ ৰাডাৰেও ইয়াক ধৰা পেলাব নোৱাৰে। এই যুদ্ধ বিমানখনে চকুৰ পলকতে শত্ৰুৰ ঘাটিবোৰ কাৰ্যতঃ ধ্বংস কৰিব পাৰে।
বিশ্বৰ আটাইতকৈ শক্তিশালী এই যুঁজাৰু বিমানখনৰ তিনিটা অংশ আছে। এই তালিকাত প্ৰথম শ্ৰেণীৰ বিমান এফ-৩৫এ অন্তৰ্ভুক্ত কৰা হৈছে। ইয়াৰ ক্ষমতা অৱশ্যে সাধাৰণ যুঁজাৰু বিমানৰ দৰেই। দ্বিতীয় শ্ৰেণীৰ এফ-৩৫ বি। উৰণৰ সময়ত হঠাৎ ঘূৰোৱাৰ পিছত পোনে পোনে অৱতৰণ কৰাৰ কৌশল দেখি যিকোনো ব্যক্তিয়ে আচৰিত হ’ব পাৰে। চকুৰ পলকতে চৰাইৰ দৰে এই বিমানখনে কেইছেকেণ্ডমানৰ ভিতৰতে উৰি যাব পাৰে। শেহতীয়াকৈ চীনে পঞ্চম প্ৰজন্মৰ দুখন যুদ্ধ বিমান নিৰ্মাণ কৰিছে। বৰ্তমান বিশ্বৰ মাত্ৰ তিনিখন দেশতহে পঞ্চম প্ৰজন্মৰ বিমান আছে। দেশকেইখন হল – আমেৰিকা, চীন, আৰু ৰাছিয়া। যদি ভাৰতে এই বিধ্বংসী যুদ্ধ বিমানখন পায় তেনেহলে ভাৰত এই তিনিখন দেশৰ সমতুল্য হৈ পৰিব।