২৬ জানুৱাৰী ২০২৫-  শীতকালত বৃদ্ধি পাই মাইগ্ৰেইনৰ সমস্যা

শীতকালত মূৰৰ বিষ আৰু মাইগ্ৰেইনৰ দৰে সমস্যা বৃদ্ধি যায়। বিশেষকৈ যিসকল লোক ইতিমধ্যে মাইগ্ৰেইনত আক্ৰান্ত হৈছে, তেওঁলোকৰ লক্ষণসমূহ এই বতৰত বৃদ্ধি পাবলৈ আৰম্ভ কৰে, ঠাণ্ডা বতাহ, কম উষ্ণতাই মাইগ্ৰেইনৰ বিষৰ সূচনা কৰিব পাৰে। কিছুমান ক্ষেত্ৰত বেয়া খাদ্যাভ্যাস আৰু টোপনিৰ অভাৱতো মাইগ্ৰেইন হ’ব পাৰে। যদি আপুনিও এই সমস্যাৰ সন্মুখীন হৈছে তেন্তে ইয়াৰ আঁৰৰ কাৰণ কি আৰু ইয়াক কেনেকৈ প্ৰতিৰোধ কৰিব পাৰি সেই বিষয়ে জনাটো গুৰুত্বপূৰ্ণ।

শীতকালত শৰীৰৰ ৰক্তবাহী নলীবোৰ সংকুচিত হ’ব পাৰে, যাৰ ফলত মগজুলৈ অক্সিজেন সঠিকভাৱে যোগান ধৰা নহয়। ইয়াৰ ফলত মূৰৰ বিষ আৰু মাইগ্ৰেইন হয়। শীতকালত সূৰ্যৰ পোহৰ কম হয়, যাৰ বাবে শৰীৰত চেৰ’টনিন হৰম’নৰ মাত্ৰা কমিবলৈ আৰম্ভ কৰে। চেৰ’টনিন হ্ৰাস কৰিলেও মাইগ্ৰেইনৰ সমস্যা বৃদ্ধি পাব পাৰে। হিটাৰ বেছিকৈ চলালেও এই সমস্যাৰ সৃষ্টি হ’ব পাৰে। কাৰণ হিটাৰটো বেছিকৈ চলালে বতাহ শুকাই যায়, যাৰ ফলত মূৰত গধুৰ হৈ পৰে। ইয়াৰ ফলত মাইগ্ৰেইনৰো সৃষ্টি হ’ব পাৰে।

শীতকালত মাইগ্ৰেইন কেনেকৈ প্ৰতিৰোধ কৰিব পাৰি
স্নায়ু বিশেষজ্ঞৰ মতে মাইগ্ৰেইনৰ পৰা হাত সাৰিবলৈ হ’লে হাইড্ৰেটেড হৈ থাকক। ইয়াৰ বাবে দিনটোত কমেও সাত গিলাচ পানী খোৱাটো প্ৰয়োজনীয়। ঠাণ্ডাৰ পৰা হাত সাৰিবলৈ কাণ আৰু মূৰ ভালদৰে ঢাকি দিব। মাইগ্ৰেইন ৰোগীয়ে প্ৰচণ্ড ঠাণ্ডা বতাহৰ পৰা আঁতৰি থাকিব লাগে আৰু দীৰ্ঘসময় ধৰি ফোন ব্যৱহাৰ কৰিব নালাগে। অতিৰিক্ত পৰিমাণৰ জাংক ফুড আৰু কেফেইনে মূৰৰ বিষ বৃদ্ধি কৰিব পাৰে। তাৰ পৰিৱৰ্তে খাদ্যত সেউজীয়া শাক-পাচলি অন্তৰ্ভুক্ত কৰক। ঋতু অনুসৰি ফলমূল খাব আৰু মদ আৰু ধূমপান পৰিহাৰ কৰিব। ইয়াৰ লগতে ৰাতিপুৱা যোগাসন বা লঘু ব্যায়াম কৰক, ইয়াৰ ফলত মাইগ্ৰেইনৰ সম্ভাৱনা হ্ৰাস পাব পাৰে। প্ৰতিদিনে একে সময়তে শুই থকা আৰু সাৰ পোৱাৰ অভ্যাস গঢ়ি তোলক। যদি মূৰৰ বিষ বা মাইগ্ৰেইনে বাৰে বাৰে আপোনাক অশান্তি দিছে তেন্তে অতি সোনকালে বিশেষজ্ঞৰ পৰামৰ্শ লওক। দীৰ্ঘদিন ধৰি মূৰৰ বিষ হ’লে নিজাববীয়াকৈ ঔষধ সেৱন নকৰিব। এই ক্ষেত্ৰত চিকিৎসকৰ পৰামৰ্শ লওক।