১১ নৱেম্বৰ,২০২৪-  সমাধান হ'ব নেকি সৌৰজগতৰ আটাইতকৈ ডাঙৰ ৰহস্যৰ !

আজিও সৌৰজগতত এনে বহু ৰহস্য আছে, যাক লৈ বিজ্ঞানীসকলে এক সিদ্ধান্তত উপনীত হ’ব পৰা নাই। অৱশ্যে বিজ্ঞানীসকলে নতুন নতুন তথ্য সংগ্ৰহৰ বাবে অহৰহ গৱেষণা কৰি আহিছে। যোৱা এটা দশক ধৰি বিজ্ঞানীসকলে সৌৰজগতত নৱমটো গ্ৰহ থকা বুলি দাবী কৰি আহিছে। তথ্য অনুসৰি এই গ্ৰহটো নেপচুনতকৈ আগত কুইপাৰ বেল্টত অৱস্থিত। ইয়াক প্লেনেট ৯ বা প্লেনেট এক্স বুলি কোৱা হৈছে।বিজ্ঞানীসকলে প্লেনেট ৯ৰ অস্তিত্বক লৈ বহুদিন ধৰি বিতৰ্ক কৰি আহিছে।কিন্তু ই এটা গ্ৰহ নে নহয় সেয়া এতিয়া নাছাৰ টেলিস্কোপে প্ৰমাণ কৰিব।
 প্লুটোৰ বিলুপ্তিৰ পিছত সৌৰজগতত নৱমটো গ্ৰহৰ অস্তিত্ব আছেনে?জ্যোতিৰ্বিজ্ঞানীসকলে আমাৰ সৌৰজগতৰ দুৰ্গম অঞ্চলত নেপচুনৰ সিপাৰে লুকাই থকা এটা ৰহস্যময়ী গ্ৰহ ৯ৰ সম্ভাৱ্য অস্তিত্বৰ বিষয়ে অনুমান কৰিছে। কাল্পনিকভাৱে এই গ্ৰহটো আমাৰ গ্ৰহটোৰ পাঁচৰ পৰা সাতগুণ বুলি অনুমান কৰা হৈছে, যিয়ে প্ৰতি ১০,০০০ৰ পৰা ২০,০০০ বছৰৰ মূৰে মূৰে এবাৰ সূৰ্য্যক প্ৰদক্ষিণ কৰে। নতুন গ্ৰহ আৱিষ্কাৰৰ ওপৰত বিতৰ্ক, অসংখ্য অধ্যয়নৰ পিছতো প্লেনেট ৯ৰ আৱিষ্কাৰ এতিয়াও বিতৰ্কৰ বিষয় হৈয়েই আছে। একাংশ বিজ্ঞানীয়ে ইয়াৰ উপস্থিতিৰ ওপৰত আত্মবিশ্বাসী হ’লেও আন কিছুমানে সন্দেহ প্ৰকাশ কৰিছে। বছৰ বছৰ ধৰি গৱেষকসকলে এই গ্ৰহটোৰ স্থান নিৰ্ণয়ৰ বাবে বহুতো টেলিস্কোপৰ ব্যৱহাৰ কৰি আহিছে। অৱশ্যে ইয়াৰ নিৰ্দিষ্ট প্ৰমাণ এতিয়াও উলিয়াব পৰা নাই।
কিন্তু ২০২৫ চনৰ শেষৰ ফালে চিলিত আৰম্ভ হ’বলগীয়া ভেৰা চি ৰুবিন মানৱ নিৰীক্ষণ কেন্দ্ৰৰ জৰিয়তে এই কথা অতি সোনকালে সলনি হ’ব পাৰে। কিছুদিনৰ ভিতৰতে আকাশ জৰীপ কৰিব পৰা ক্ষমতাৰ বাবে এই মানৱ নিৰীক্ষণ কেন্দ্ৰটোৱে সৌৰজগতৰ নৱমটো গ্ৰহৰ অস্তিত্বৰ কথা নিশ্চিত কৰিব।