২৭ জানুৱাৰী ২০২৫- ভয়ংকৰ দুৰ্ঘটনা! ১৮ জনৰ কৰুণ মৃত্যু

বিশ্ব জোকাৰি যোৱা এক ভয়ংকৰ দুৰ্ঘটনা সংঘটিত হৈছে। এই ভয়ংকৰ দুৰ্ঘটনাত হোৱা অগ্নিকাণ্ডৰ ফলত ১৮ জন লোকে কৰুণ মৃত্যুক আঁকোৱালি লোৱাৰ লগতে ১০ জনকৈ লোক গুৰুতৰভাৱে আঘাতপ্ৰাপ্ত হৈছে। নাইজেৰিয়াত গেছলিন ভৰ্তি এখন টেংকাৰে নিয়ন্ত্ৰণ হেৰুৱাই আন ১৭খন বাহনত খুন্দা মৰাৰ ফলত এই ভয়ংকৰ দুৰ্ঘটনা সংঘটিত হৈছে। দক্ষিণ-পূব ৰাজ্য এনুগুৰ এনুগু-অনিছা এক্সপ্ৰেছৱে’ৰ কাষত সংঘটিত হৈছে এই ভয়ংকৰ দুৰ্ঘটনা। এই সংঘৰ্ষৰ পিছতে হোৱা বিস্ফোৰণৰ ফলত কঁপি ফঠিছিল এটা বৃহত এলেকা। উদ্ধাৰকাৰী দলৰ শীৰ্ষ বিষয়াৰ মতে মৃতদেহবোৰ চিনাক্ত কৰিব নোৱাৰাকৈ জ্বলি গৈছে। 

   উল্লেখ্য যে  চলিত মাহৰ আৰম্ভণিতেও নাইজেৰিয়াত একেধৰণৰেই দুৰ্ঘটনা সংঘটিত হৈছিল। য'ত ৯৮ জন লোকৰ মৃত্যু হৈছিল।