২৬ নৱেম্বৰ,২০২৪-  পেন ২.০, কেনেকৈ লাভ কৰিব QR Codeযুক্ত নতুন পেন কাৰ্ড ? 

সলনি হ'ব পেন কাৰ্ড। কেন্দ্ৰীয় চৰকাৰে পেন কাৰ্ড আপডেট কৰাৰ সিদ্ধান্ত গ্ৰহণ কৰিছে। পেন কাৰ্ড আপডেট কৰাৰ বাবে সোমবাৰে PAN 2.0 প্ৰকল্পক অনুমোদন জনাইছে কেন্দ্ৰীয় চৰকাৰে। প্ৰধানমন্ত্ৰী নৰেন্দ্ৰ মোদীৰ অধ্যক্ষতাত অৰ্থনৈতিক পৰিক্ৰমা কেবিনেট কমিটীয়ে আয়কৰ বিভাগৰ অধীনত এই প্ৰকল্পক অনুমোদন জনাইছে। কেন্দ্ৰীয় মন্ত্ৰী অশ্বিনী বৈষ্ণৱে কয় যে প্ৰযুক্তি-চালিত কৰদাতা পঞ্জীয়ন সেৱা, সহজলভ্য, দ্ৰুত সেৱা প্ৰদান আৰু উন্নত মানদণ্ডৰ ওপৰত গুৰুত্ব আৰোপ কৰা হৈছে এই প্ৰকল্পত। বৰ্তমান প্ৰায় ৭৮ কোটি নতুন পেন কাৰ্ড জাৰি কৰা হৈছে। উল্লেখ্য যে QR Code সংলগ্ন থকা পেন ২.০ প্ৰকল্পত ব্যয় হ'ব ১৪৩৫ কোটি টকা।
PAN 2.O প্ৰকল্প হৈছে কৰদাতাসকলৰ বৰ্ধিত ডিজিটেল অভিজ্ঞতাৰ বাবে পেন সেৱাৰ প্ৰযুক্তি-চালিত ৰূপান্তৰৰ জৰিয়তে কৰদাতা পঞ্জীয়ন সেৱাৰ ব্যৱসায়িক প্ৰক্ৰিয়াবোৰ পুনৰ-অভিযান্ত্ৰিক কৰাৰ বাবে এক ই-গভৰ্ণেন্স প্ৰকল্প। যদি আপুনি ভাবিছে যে নতুন পেন কাৰ্ডৰ বাবে আপুনি আবেদন কৰিব লাগিব বা আপোনাৰ বৰ্তমানৰ পেন কাৰ্ডখন বাতিল হ’ব, তেন্তে জানি লওঁক যে আপোনাৰ বৰ্তমানৰ পেন নম্বৰ সলনি কৰাৰ কোনো প্ৰয়োজন নাই। অৱশ্যে আপুনি উন্নীতকৰণ প্ৰক্ৰিয়াৰ মাজেৰে পাৰ হ’ব লাগিব তাৰ পিছতহে নতুন পেন কাৰ্ড লাভ কৰিব। আপডেট কৰা পেন কাৰ্ডত নতুন ফিচাৰ থাকিব, য’ত QR ক’ডো অন্তৰ্ভুক্ত কৰা হ’ব। আটাইতকৈ ভাল কথাটো হ'ল এই উন্নীতকৰণ বিনামূলীয়া হ'ব আৰু নতুন কাৰ্ডখন আপোনাৰ ওচৰলৈ পোনপটীয়াকৈ ডেলিভাৰী কৰা হ'ব। বৰ্তমানৰ ব্যৱস্থাটো উন্নীত কৰি ডিজিটেল মেৰুদণ্ড নতুন ধৰণে অনা হ’ব। চৰকাৰে এই প্ৰকল্পৰ জৰিয়তে এক উমৈহতীয়া ব্যৱসায়িক চিনাক্তকৰ্তা সৃষ্টিৰ চেষ্টা কৰিব। পেন কাৰ্ড আপডেচনৰ সমগ্ৰ প্ৰক্ৰিয়াটো কাগজবিহীন আৰু অনলাইন হ’ব।